لطموحين فقط :-
- سنة 1994 واحد اسمه Jeff Bezos عنده 30 سنة , كان بيشتغل فى بورصة Wall Street قدم استقالته وقرر انه يبدئ بيزنس عالإنترنت ...
- الانترنت كان لسه بيكبر وجوجل كان لسه بيبدئ , قرر انه يعمل ويب سايت يبيع من خلاله منتجات وعمل ريسيرش لأكثر 20 منتج ممكن الناس تشتريهم , ولقى ان الكتب اكثر حاجة عليها طلب عشان سعرها القليل ورغبة الناس فى القراءة .
- بدئ من جراج بيته و مع مصمم مواقع مبتدئ , واستلف من ابوه وامه 600 دولار " تحويشة العمر " عشان يقدر يدفع ثمن تصميم الموقع واستضافته , وقالهم انهم بنسبة 70% الفلوس دى مش هترجع تانى ...
- الموقع ده اسمه Amazon.com اللى بعد 60 يوم من انشائه كان بيبيع بـ 20 ألف دولار فى الأسبوع ووقتها ده كان مبلغ رهيب طبعاً ...
- سنة 1995 شركة Kleiner Perkins Caufield & Byers استثمرت 8 مليون دولار فى الموقع , والتمويل ده كله راح لتطوير الفكرة ونشرها ...
- سنة 1997 جيف قرر انه يطرح اسهم Amazon فى البورصة وباع السهم الواحد بـ 18 دولار وباع أكثر من 2 مليون سهم فى أول شهر ...
- سنة 1999 جيف نزل على غلاق الـ Time كشخصية العام " على مستوى العالم "
• الجزء المدهش فى القصة •
من سنة 1994 لسنة 2001 ( 7 سنين ) مشروع قائم وبيكبر وبينجح , شركة أمازون وجيف قرروا ان اى Revenue أو ربح هيدخل هيستخدموه فى تطوير الموقع وتكبيره , فى حين ان فى سنة 2000 كان عوائد البيع " 1 مليار دولار سنوياً " الربح الصافى كان ( صفر )
سنة 2001 كان أول سنة الشركة تدخل ربح صافى وكان 5 مليون دولار من عائد " 1.5 مليار دولار " متخيل الفرق بين الرقمين , أعتقد ده لو فى مصر كان خد المليار دولار وقفل الشركة وهرب ويولوعوا المستثمرين واصحاب الأسهم ...
• النهاردة •
أمازون بيدخل عائد سنوى 61 مليار دولار
فى الشهر بيدخل : 5 مليار دولار
فى اليوم بيدخل : 166 مليون دولار
فى الساعة بيدخل : 7 مليون دولار
فى الدقيقة : 116 ألف دولار
فى الثانية : 1950 دولار
فى سكة جيف إستحوز على 44 شركة عشان يقدر يكبر البيزنس بتاعة وأخر حاجة اشتراها كانت جريدة الـ Washington Post بجلالة قدرها ...
ولسه طموحه موقفش وبيفكر كل يوم ازاى يكبر أكثر ...
مش عارف الحقيقة هيكبر أكثر من كده يروح فين
منقول من الفيسبوك
شارك معنا ليصلك كل ماهو جديد
ليست هناك تعليقات:
إرسال تعليق
يسعدنا تفاعلكم بالتعليق , لكن يرجى مراعاة الآداب وعدم نشر روابط إشهار حتى ينشر التعليق , ويمكنك ان تستخدم الإبتسامات بالوقوف عليها لمعرفة الكود